Übung Hundebegegnung

Hallo Zäme Heds do die eint oder ander Person, wo bereit wär, met eus Hundebegegnige z'üebe? Euse Rüd hed us verschiedene Motivatione (vorallem Unsicherheit) es Problem bi Hundebegegnige. Paar gönd inzwösche mit viel Training guet, anderi weniger. Er zeigt das met Bälle, chnurre und id Leine gumpe. Mer send bereits met Hundetrainer dra, jetzt gods eigetli drom, s glernte metemne souveräne Hund z'üebe. Mer hend leider gmerkt, dass im Alltag viel Hünd es Problem für euse ide Begegnig darstellid. Es sett drom vorerst en Hund si, wo selber wörkli keis Problem hed. De Fremdhund sett ide Begägnig inne am Bsitzer orientiert si (euse ned fixiere), a lockerer Leine laufe und sech ned wörkli für euse interessiere. Das se die Hünd, wo mer im Moment bruche zum üebe und festige. Die andere send eusem Hund no zviel und mer chönd s glehrte ned wörkli umsetze. Wär mega cool, vlt. entwicklet sech jo de au e Hundefründschaft drus. :) Lg Julia, Kilian und Nylo🐾